Vorsannanir

Mál 1374/2007, vorið gegn Guðrúnu Láru Pétursdóttur. Stefnda hefur neitað að trúa því að vorið sé komið. Sækjandi hefur meðal annars lagt fram eftirfarandi sönnunargögn máli sínu til stuðnings:

Þann 11. mars drifu Konsulentsystkinin sig út í garð til að njóta vorsins. Í fyrsta skipti í marga mánuði þurfti ekki að dúða í útigalla eða úlpur, flíspeysurnar voru látnar nægja og svo pollabuxur enda snjórinn óðum að bráðna og allt fremur blautt.

Laugardagsnammið var tekið með út í rólur og hér sést María með aldeilis fyndið tanngómagrín!

Þótt enn hafi snjóskaflar prýtt tún og götur voru tré og runnar þegar farin að skarta bústnum brumknöppum.

María nýtur þess að finna bjarta vorsólina verma kinnarnar. Eins og glöggt sést á þessari mynd var snjórinn heldur betur á undanhaldi.

Þann 15. mars fundust þessir dásamlegu vorlaukar í blóma undir suðurveggnum!

Ótrúlega lítil og fíngerð blóm en óumdeilt merki um vorkomuna!

Litlar dásemdir í vorsólinni.

María var heima þennan dag enda enn að jafna sig eftir streptókokkasýkingu. Þar sem hún var á batavegi fékk hún að fara aðeins út í garð og hér sést hún rannsaka plómutréð gaumgæfilega í von um að finna þar frekari ummerki vorsins!

Önnur lítil dásemd í vorsólinni!

Það hlýtur að vera öllum ljóst af svona myndum að vorið ER komið!!!