María fjögurra ára
Loksins rann hinn langþráði afmælisdagur upp, bjartur og fagur! Að sjálfsögðu var byrjað á afmælissöngnum en síðan tók við heitt kakó og pakkaopnun!
Það biðu fjórir afmælispakkar eftir prinsessunni þegar hún vaknaði, þar á meðal einn alveg risastór!
Skvísan var nú ekki alveg vöknuð þegar það var byrjað að opna þann fyrsta ...
... en upp úr honum kom þetta úr sem sló alveg í gegn!!!
Hugi lét sér hins vegar fátt um finnast og sötraði bara kakóið sitt pollrólegur!
Hvað skyldi svo standa á þessu korti? Æsingurinn orðinn allt of mikill til að litli lestrarhesturinn geti einbeitt sér að því að finna það út!
Sá stóri afhjúpaður ...
... en hvað í ósköpunum er þetta?!
Jú, þessi líka forláta dúkkuvagn fyrir Míu Maríu og öll hin börnin!
Hvað skyldi klukkan vera ... ætli við séum að verða of sein á leikskólann?
Sæta afmælisprinsessan ánægð með vel heppnaðan afmælismorgun!