María álfur

María fékk enn einn álfaprinsessukjól um daginn. Ekki vakti hann síður lukku en annar fatnaður af sömu gerð og hefur verið óspart notaður síðan!

Þið sjáið náttúrulega strax hvílík dásemd þessi kjóll er, silfurstjörnur og vængir ... það gæti ekki verið mikið betra!

Eitthvað spennandi úti fyrir!

Er það mamma ljósmyndari sem er svona rosalega fyndin?

Ekki fleiri myndir takk!!!

Ég verð að láta fylgja með mynd af þessum fína innkaupalista sem María skrifaði alveg upp á eigin spýtur. Af einhverjum ástæðum hefur hún mikla mætur á innkaupalistum, jafnvel þó við foreldrarnir séum allt of ódugleg að fara í verslunarferðir vopnuð slíkum útbúnaði! Á þessum lista stendur efst Grundarbær. Ég hef ekki hugmynd um hvar eða hvað Grundarbær er en gæti þó best trúað að það væri heitið á ímyndaðri verslun. Næst stendur Bitsa sem kunnugir átta sig á að er að sjálfsögðu pizza! Þar á eftir kemur Eblasava ... segir sig sjálft, það er auðvitað eplasafi. Og síðasta bleikskrifaða minnisatriðið er Sódava ..., hún drekkur reyndar ekki sjálf sódavatn en finnst það greinilega eitthvað sem fullorðnir kaupi í búðarferðum! Loks hefur verið bætt við listann einu atriði sem skrifað er lóðrétt með öðrum penna Silúggur er að sjálfsögðu silungur! Mér finnst þessi listi svo krúttlegur að ég fæ kökk í hálsinn í hvert sinn sem ég sé hann!