Júnídagbók 

                                                     2011

Um okkur

Mín síða

Myndirnar okkar

Hafðu samband

Gestabókin okkar

Þriðjudagurinn 21. júní 2011

Sumarlistinn

Tína jarðaber - og búa til jarðaberjaís og jarðaberjasaft með vanillu.

Synda í sjónum. Hér í kring er bara hægt að synda í vötnum svo það er nauðsynlegt að plana dagsferð í skerjagarðinn.

Lesa skáldsögu í hengistólnum undir eplatrénu. Mörg tjekk búin, mörg eftir!

Sofa úti, helst á almennilegri dýnu og með sæng og kodda. Best!

Standa undir regnhlíf í hellidembu.

Fara á loppisa og leita að löngu gleymdum fjársjóðum.

Senda póstkort til góðs fólks.

Prófa að baka makkarónur í öllum regnbogans litum.

Sitja úti á palli í nætursvalanum, horfa á flöktandi kertaljós og sötra hvítvín. Láta mýið ekkert á sig fá.

Skrifa ritgerð - af því að það er í alvöru ótrúlega skemmtilegt og spennandi.

Fara í lautarferðir með kaffi á brúsa og dagsgamla og pínu þurra kanelsnúða í boxi.

Vakna snemma bara til þess að geta notið þess að grípa bók og lesa nokkrar línur áður en maður dettur út af aftur.

Drekka mikið límónaði.

Taka langa göngutúra um Vänge-sveitirnar, hlusta á malarvegina braka undir fótunum og tína villta blómvendi.

Reyna stundum að vanda mig þegar ég tek myndir, prófa fleiri stillingar á vélinni og vera svo eins og vanalega alltaf langt á eftir með myndaalbúmin mín!

Dýrðardagur í Jälla

Baldur Tumi og blómin

Nokkrar maímyndir

Forsíða     Um okkur     Mín síða     Myndirnar okkar     Hafðu samband     Gestabókin okkar