Indjánar í garðinum

Í sumarblíðunni sem ríkt hefur undanfarna daga rifjaðist upp fyrir heimilismönnum á Bárugötunni að börnin áttu einhvers staðar lítið indjánatjald til að hafa úti í garði. Því var skellt upp í snarheitum og þar léku þau María og Hugi sér í mikilli gleði.

María hafði verið skreytt svona fagurlega á leikskólanum og var því alveg í ekta indjánastemmningu! Hugi þurfti enga andlitsmálningu til að lifa sig inn í hlutverkið!

María með opinn munn ...

... Hugi með opinn munn!!!

Systkinin á Bárugötu ... þurfa bæði að fara að komast í klippingu!!!

Þar sem mamman þurfti að liggja heila viku í hræðilegri pest og hefur svo, síðan hún reis úr rekkju, þurft að loka sig af til að skrifa ritgerð, er Hugi orðinn algjör pabbastrákur! Mamman sem alltaf var númer eitt, tvö og þrjú á erfitt með að sætta sig við þessi umskipti og hyggur á leynilegar aðgerðir á næstu vikum sem fela í sér ýmiss konar nammiútdeilingar, bókalestur og mikið knús!

Aðalstuðið að hlaupa smá hring aftur fyrir hús og koma svo á fullri ferð til baka! Hér hefur María snarstansað en Hugi kemur á harðaspani á eftir henni.

Tjaldið rúmar þau nú varla bæði, sérstaklega ekki þegar þau ólmast og hamast. Þá tekst tjaldið á loft og sveigist og beygist þeim sem fyrir utan standa til mikillar skemmtunar!

Svo má líka hreinlega bara lyfta tjaldinu upp og flytja það á milli staða. Ekki mjög burðugt tjald það!