Heimilisiðnaðurinn

Ég gerði þó nokkrar handgerðar jólagjafir í ár eins og í fyrra. Nú kom saumavélin hins vegar sterk inn enda töluvert fljótlegra að sauma en prjóna. Reyndar voru yfir höfuð fáar prjónaðar gjafir þetta árið en í staðinn nokkrar heklaðar. Ég hef lítið heklað frá því ég gerði boltanetin hjá ömmu í gamla daga en hef verið að reyna að rifja upp gamla takta!

Þessa krúttlegu ljónavini fékk Arnaldur Kári guðsonur minn. Ég er yfirmáta stolt af afrakstrinum og stefni að því að hekla heila ljónahjörð handa sjálfri mér á komandi mánuðum!

Baksvipurinn er svo krúttaður að hann verðskuldar mynd líka!

Þeir félagarnir eru úr 100% bómull og fyllingin er sömuleiðis 100% bómull.

Ég prjónaði tvær svona úlnliðshlífar/grifflur. Þessar brúnu fékk Kata tengdamamma mín ...

... og þessar grábláu fékk Birna föðursystir Einars. Báðar eru þær í umönnunarstörfum og þeirra hendur eru því eilíflega að hlúa að öðrum svo mér fannst tími til kominn að gert yrði vel við þær! Garnið er 100% baby merinoull, prjónað tvöfalt.

Systur mínar þrjár fengu heklaða þvottapoka úr 100% lífrænni bómull. Hönnunin var mín eigin en munstrinu stal ég upp úr heklubók þar sem það átti upphaflega að prýða sæta stelpupeysu. Með þvottapokunum fygldu svo handgerðar sápur úr geitamjólk (gerðar af einhverjum kanadískum mæðgum en ekki mér!).

Tvær litlar vinkonur mínar fengu svona buddur undir allar helstu nauðsynjavörur stúlkna undir 5 ára! Fóðrið var rautt með hvítum doppum og allt úr 100% bómull.

Helsta framleiðslan fyrir jólin voru þó þessar litlu töskur en ég gerði nokkur stykki í ólíkum litum. Efnið var, oftar sem áður, 100% bómull og hér sést rauða útgáfan.

Fóðrið var hins vegar úr 100% silki.

Appelsínugula útgáfan ...

... var með fóðri í sama lit og sú rauða.

Fjólublá taska með gulgrænu fóðri.

Og að lokum drapplituð taska með ljósbleiku fóðri.

Þetta teppi var að vísu ekki jólagjöf heldur sængurgjöf handa litlum jóladreng.

100% bómull bæði að aftan og framan og svo bómullarflónel á milli. Ég sé litla Gunnarsson alveg fyrir mér sitja á þessu teppi í sumarsólinni að hálfu ári liðnu!