Mín síða

Um örvæntingafullar tilraunir til að lifa fallega

Okkar síða:

Forsíða

Um okkur

Myndirnar okkar

Hafðu samband

Gestabókin okkar

Okkar vinir:

Svanhildur, Sigurður, Ástþór Örn og Arnaldur Kári

Linda og fjölskylda í Stokkhólmi

Sveinn, Rósa Munda og dætur í Óðinsvéum

Svanhildur Margrét og Sigrún Marta

Pétur og Áslaug Margrét

Druslubækur og doðrantar

Mánudagurinn 10. desember 2012

Jólaupprisan

Ókei, ég er ömurlegur heimasíðustjóri. Skrifa ekkert í margar vikur, birti engar nýjar myndir (tek engar nýjar myndir!), set ekki upp jólaútlit fyrir fyrsta sunnudag í aðventu eða neitt. Ég hef satt best að segja ekki alveg vitað í hvorn fótinn ég á að stíga varðandi litlu heimasíðuna mína í haust. Eftir að kommentakerfið hvarf fannst mér það vera eins og að dvelja í gluggalausu herbergi að koma hingað inn - og hvern langar það? Svo er ég líka orðin svo þreytt á því hvað þetta er þungt í vöfum hjá mér, bæði vegna fornaldar hugbúnaðar og stórra hugmynda. Ég var því farin að íhuga að láta þessa síðu lognast hægt og hljóðlega út af og byrja aftur á nýjum stað með betri hugbúnað og viðráðanlegri hugmyndir um eigið framlag. En svo þorði ég því ekki. Ekki alveg strax alla vega. Þannig að ég ákvað að dubba gömlu góðu síðuna mína upp í jólabúninginn. Geðheilsu minnar vegna ákvað ég reyndar að berja stærstu hugmyndirnar frá mér. Í fyrra hætti ég með mannlega aðventukransinn á forsíðunni - í ár er hún algjörlega ómannleg! Það er alveg nógu stórt verkefni fyrir mig að taka jólakortamynd að ég sé ekki að bæta við sérstökum myndum af öllum fjölskyldumeðlimum (hvað þá tveimur eins og á árum áður!). Og svo er sami bakgrunnur á öllu og allt jólaskraut í lágmarki, fyrir utan þessa kátu rebba sem leika sér í snjónum hér að ofan. En ég setti inn fullt af myndum! Allar myndir sem ég mögulega gat tínt til frá síðustu vikum:

Öðruvísi október

Milli hausts og vetrar

Aðventukransinn 2012

Á aðventu

Og svo hélt ég að ég væri komin með nýtt kommentakerfi! Það kom í ljós þegar ég reyndi að uppfæra það að það virkaði ekki. Og ekki nóg með það, það rústaði síðunni svo ég tók það burt aftur. Frábært! En kannski tekst mér að skilja þetta seinna og koma því í gagnið. Þið sendið bara fallegar hugsanir í bili.