Desemberdagbók 2009

Um okkur

Mín síða

Myndirnar okkar

Hafðu samband

Gestabókin okkar

26. desember 2009

Jólakort

Elsku vinir.

Við sendum ykkur síðabúna jólakveðju héðan úr vetrarríkinu. Vonum að þið hafið haft það jafngott og við um jólin, borðað góðan mat, opnað skemmtilega pakka og haft gott fólk að knúsa! Megi jólafríið ykkar vera uppfullt af bóklestri, konfektáti, náttfatadögum og kertaljósi.

Þess óska ykkar vinir, Guðrún Lára, Einar Þór, María, Hugi og Baldur Tumi.

12. desember 2009

Desembermyndin

Það eru að koma jól hjá litlu vinum okkar! Hvern langar ekki að sitja á sleða í hlýrri ullarkápu, hlaðinn spennandi pinklum og pökkum, fylgjast með fólki á þönum í snjókomunni og sjá ljósin tindra í lokkandi búðargluggum?! Skemmtilegast af öllu þykir mér þó hvað pabbinn er dásamlega fjarverandi, ekki bara á þessari mynd heldur alla hina mánuðina, allan ársins hring. Þetta er eina myndin þar sem honum bregður nokkuð örugglega fyrir og þá er hann falinn á bak við jólatré! Það er auðvitað ljóst að í þá daga voru pabbar meira svona „spari“ en ég er ekki frá því að Elsa vinkona mín Beskow hafi jafnvel útilokað hann markvissara og af meiri krafti en vænta mætti! Hvað um það, aðdáun stóru barnanna á föður sínum er augljós en sú stutta virðist kæra sig kollótta um þennan karl og stefnir einbeitt fram á veginn, heim til mömmu í heitan súkkulaðibolla og lussebulla!

Forsíða      Um okkur      Mín síða      Myndirnar okkar      Hafðu samband      Gestabókin okkar