Afmælisstrákur

Eftir notalegan afmælismorgun og skemmtilegan dag á leikskólanum fór Hugi í afmælisleiðangur með ömmu sinni og var förinni heitið í dótabúð. Amma hefur haft þann sið að bjóða ömmukrílunum út á lífið á afmælisdeginum og leyfa þeim að velja sér dót alveg sjálfum. Í þetta skiptið var Hugi allra mest spenntur fyrir Steffi Love dúkku, hesti og hundi!!! Fyrir þá sem ekki kannast við fyrirbærið er þetta svona Barbie dót!!! Já, eitthvað þótti þetta nú ókarlmannlegt val hjá honum! Reyndar tilkynnti  Hugi stoltur þegar hann kom heim með varninginn að hann hefði fengið hest og voffa ... það vildi bara þannig til að þessi dúkka þarna fylgdi með!

Sjáðu mamma, ég fékk hund!!!!!!!!!!!

Beðið í ofvæni eftir að fleiri hlutar pakkans losni úr mikilfenglegum umbúðunum!

Afmæliskrútt.

Það kemur svo sem fátt á óvart við þetta gjafaval Huga. Það hefur nefninlega lengi loðað við karlmenn í minni fjölskyldu að þykja bara alls ekkert leiðinlegt að leika smá með Barbie og tók karlpeningurinn jafnan virkan þátt í þannig leikjum hér um árið. Elli er greinilega ekki enn kominn af því skeiði og fór strax að greiða hárið á Steffi Love!!!