Aðventukransagerð 2004

Það er árleg hefð hjá okkur að gera aðventukrans aðfaranótt fyrsta sunnudags í aðventu. Þetta árið vorum við hins vegar í Svíþjóð og kransinn því ekki gerður fyrr en tveimur dögum of seint. Það kom þó ekki að sök og jafnvel enn betra að gera haft jólabjórinn úr fríhöfninni við höndina!

Það er ævinlega í verkahring Einar að klippa niður grenið. Það var svolítið meiri vinna í ár þar sem við uppgötvuðum alveg glænýja aðferð við kransagerð í fyrra sem beitt var af fullum krafti í ár. Það þurfti bókstaflega að sneiða grenigreinarnar í frumeindir!

Ég sé ævinlega um vafningana. Nýja aðferðin felur í sér að engir vírar sjást ... það tók okkur alveg fimm ár að ná því hvernig ætti að gera það!!! Fram að þvi vöfðum við bara einhvern veginn!!!

Jólabjór, greni og tangir ... uppskrift að skemmtilegu kvöldi!

Kransinn alveg að verða tilbúinn.

Einar sér svo um að festa skrauti haganlega á. Þar sem við vorum að gera kransinn aðeins nokkrum klukkutímum eftir að við komum heim frá Svíþjóð var ekki bryddað upp á neinum nýjungum í kransagerðinni í ár!

Nema ef vera skyldi að smella þessum litla, sæta fugli sem til var á heimilinu á hann miðjan!

Kransinn tilbúinn.

Ég kveiki á fyrsta kertinu ...

... heitir það ekki Spádómskerti?

Einar slappar af eftir kransagerðina og les atvinnuauglýsingar (?). Hann er kannski loksins búinn að ákveða að fara að mínum ráðum og gerast snyrtifræðingur?!