Aðventukrans 2010

og fyrsti sunnudagur í aðventu

Það er klassískt að byrja aðventukransaalbúmið á svona rusl- og draslmyndum frá kransagerðinni! Tómir plastpokar, rúllur með vír, tangir ... allt eins og það á að vera!

Ég sá um að kaupa inn jólabjórinn að þessu sinni og eins og ævinlega hafði ég aðeins smekkleika umbúðanna að leiðarljósi við valið. Þetta „ale“ var amerískt og eins og miðinn er nú ótrúlega fallegur og alveg upp í mitt tré (skuggamyndir og grábláir tónar, ég veit ekkert mikið fallegra) þá var bjórinn alveg ógeð! Það er greinilegt að „ale“ er ekki alveg „my cup of tea“ ... eða „glass of bear“ meina ég.

Sjálfsmynd Einars!!! (Greinilegt hvort okkar það var sem vann hörðum höndum þetta kvöld!)

Ég með ale-ið og grenið.

Verkið mjakast.

Það voru þrjár gerðir af grænu þetta árið, lingongreinar, sýprus og silkifura.

Einar festir vírinn. Næst er að skreyta og koma kertunum fyrir.

Næsti jólabjór var sænskur og sömuleiðis með fallegum miða! Þetta var ekta bjór og mun betri en ameríska ale-ið. Það er svo gaman að segja frá því að þriðja gerðin af bjór sem ég keypti (en drakk nú ekki þetta kvöld enda hefði kransinn þá sennilega ekki orðið mjög flottur!) var íslenskt jólaöl frá Ölvisholti. Það var reyndar bara keypt af því að það var íslenskt, miðinn var fáránlega ljótur og ölið alveg sjúúúklega vont!

Og hér er krans ársins!

Í þetta ár var kransinn skreyttur með pappírsblómum sem ég bjó til sjálf og svo þessum litlu rauðu sveppum sem ég hef átt í fórum mínum ansi lengi. Tölustafina keypti ég á 50% afslætti eftir síðustu jól. Rebbi litli fær svo að skottast þarna í kring enda ímyndaði ég mér kransinn sem lítinn ævintýraskóg.

Hér sást blómin aðeins betur ... þetta er að vísu eitthvað hálfskakkt.

Ég er ótrúlega, ótrúlega ánægð með hann! Mér finnst skemmtilegast af öllu að gera eitthvað nýtt á hverju ári, þá er maður einhvern veginn alltaf spenntur yfir útkomunni jafnvel þótt hún sé kannski ekki alltaf betrumbót frá fyrri árum.

Að morgni fyrsta sunnudags í aðventu átti bæði María og Hugi að spila innibandýleiki þannig að við Baldur Tumi vorum bara tvo hér að skottast og fá okkur smoothie og svoleiðis.

Svo komu íþróttahetjurnar heim, Maríu lið vann en Huga lið tapaði (samt með minnsta mun síðan hann byrjaði að spila!) en það skiptir engu því allir skemmtu sér vel!

Við þetta tilefni vígði ég „nýju“ diskana mína sem ég keypti notaða á uppboði á netinu. Ég eeeeelska þá!!! Og ef það skyldu vera einhverjir áhugamenn um danskt postulín meðal lesenda þá upplýsist hér með að þeir eru að sjálfsögðu úr musselmalet seríu Royal Copenhagen, hálfblúnda og nr. 575!

Eplaskífurnar komnar á borðið! Ég hefði kannski frekar átt að flytja til Danmerkur en Svíþjóðar?!

Ein af notalegustu stundum ársins hér á Konsulentvägen að hefjast!

Við kveikjum einu kerti á ...

Baldur Tumi tók í fyrsta sinn fullan þátt í eplaskífuáti og virtist vera jafnánægður með það og eldri fjölskyldumeðlimir!

Og eins og ævinlega enda ég þetta með gömlum aðventukrönsum og aðventusunnudögum:

Aðventukransinn 2009

Aðventukransinn 2008

Aðventukransinn 2007

Fyrsti sunnudagur í aðventu 2007

(Þegar ég var að reyna að lagfæra síðuna í haust eftir að allt var komið í steik var eitt af því sem ég prófaði að fækka myndum og sameina síður. Myndir af aðventukransinum árið 2003 eru því komnar í eina sæng með öðrum nóvembermyndum frá sama ári.. Það er bara að skrolla!)