Aðventukransagerð 2005

Aðfaranótt fyrsta sunnudags í aðventu er hefð hjá okkur hérna á Bárugötu að hnýta aðventukrans. Árið í ár var engin undantekning og eftir að börnin voru komin, seint og um síðir, í ró var greni, töng og vír skellt á borðið og hafist handa.

Bjartur er mikill áhugamaður um aðventukransagerð og fygldist grannt með öllu því sem fram fór við borðstofuborðið.

Hér hefur kransinn nánast alveg verið þakinn með greni.

Bjartur kannar hvort réttu tökunum sé beitt og gaumgæfir hvort nokkurs staðar glitti í vír! Bjartur er annars mikill aðventukransavargur og á síðustu aðventu nagaði hann í sundur fínu, hvítu berjalengjuna sem prýtt hafði kransinn okkar í nokkur ár samfellt. Fyrir vikið varð að breyta algjörlega um skraut á kransinum fyrir þessi jól. Kann ég Bjarti bestu þakkir fyrir að hafa þannig réttlætt kaup á nýju skrauti!!!

Einar hnýtir vírana. Jólabjórinn er ómissandi við þessi tækifæri!

Hluti af skrautinu komið á sinn stað og eitt kerti. Einar spáir í hvernig fela megi kertahaldarana sem best.

Kransinn tilbúinn!!! Við erum sérstaklega stolt af honum í ár og finnst þetta fallegasti krans í allri veröldinni ... nema hvað!

Kransinn í nærmynd!

Meiri krans!

Kveikt á fyrsta kertinu að morgni fyrsta sunnudags í aðventu (allt of snemma miðað við hvað foreldrarnir vöktu lengi frameftir við kransagerðina).

Í baksýn glittir í hinn „krans“ heimilisins sem húsfreyjan stóðst ekki mátið að föndra úr afgangs greni og því sem til féll úr ávaxtaskálinni. Það hlýtur jú að vera betra að vera með tvo kransa en einn, ekki satt?

Kertastelpa á aðventu.